ಅಫಘಾನಿಸ್ತಾನದಲ್ಲಿ ತಾಲಿಬಾನ್ ಅಧಿಕಾರಕ್ಕೆ ಬಂದಾಗಿನಿಂದ, ಜನರು ತಮ್ಮ ಮನೆಯ ವಸ್ತುಗಳನ್ನು ಕಾಬೂಲ್ ಬೀದಿಗಳಲ್ಲಿ ಮಾರಾಟ ಮಾಡುತ್ತಿದ್ದಾರೆ. ರತ್ನಗಂಬಳಿಗಳು, ರೆಫ್ರಿಜರೇಟರ್‌ಗಳು, ಟೆಲಿವಿಷನ್ ಸೆಟ್‌ಗಳು, ಸೋಫಾ ಸೆಟ್‌ಗಳು ಮತ್ತು ಇತರ ವಸ್ತುಗಳನ್ನು ಕಾಬೂಲ್‌ನ ಚಾಮನ್‌-ಇ-ಹೊಜೊರಿ, ಪಾರ್ಕ್‌ಗೆ ಹೋಗುವ ರಸ್ತೆಗಳಲ್ಲಿ ಮಾರಲು ಸಾಲುಗಟ್ಟಿರುವುದು ಸಾಮಾನ್ಯವಾಗಿದೆ. ತಮ್ಮ ಗೃಹೋಪಯೋಗಿ ವಸ್ತುಗಳನ್ನು ಮಾರಾಟ ಮಾಡುತ್ತಿರುವ ಅನೇಕರಿಗೆ ಅಫ್ಘಾನಿಸ್ತಾನದಿಂದ ಪಲಾಯನ ಮಾಡಲು ಅಥವಾ ಅವರಿಗೆ ಬದುಕಲು ಹಣವಿಲ್ಲದ ಕಾರಣ ಹಣದ ಅಗತ್ಯವಿದೆ ಎಂದು ಟೋಲೊ ನ್ಯೂಸ್ ವರದಿ ಮಾಡಿದೆ.
ಅವರ ಅತ್ಯಂತ ದುಬಾರಿ ವಸ್ತುಗಳು ಈಗ ರಾಕ್-ಬಾಟಮ್ ಬೆಲೆಯಲ್ಲಿ ಮಾರಾಟವಾಗುತ್ತಿವೆ ಎಂದು ಅವರು ಹೇಳಿದರು.
ಲಾಲ್ ಗುಲ್ ಎಂಬ ಅಂಗಡಿಯವನು ಟೋಲೊ ನ್ಯೂಸ್‌ಗೆ ಒಂದು ಲಕ್ಷ ರೂ.ಮೌಲ್ಯದ ಗೃಹೋಪಯೋಗಿ ವಸ್ತುಗಳು ಕೇವಲ 20 ಸಾವಿರಕ್ಕೆ ಮಾರಾಟವಾಗುತ್ತಿದೆ ಎಂದು ಹೇಳಿದ್ದಾರೆ.
“ನಾನು ನನ್ನ ವಸ್ತುಗಳನ್ನು ಅರ್ಧಕ್ಕಿಂತ ಕಡಿಮೆ ಬೆಲೆಗೆ ಮಾರಿದ್ದೇನೆ. ನಾನು 25 ಸಾವಿರ ರೂ. ಮೌಲ್ಯದ ರೆಫ್ರಿಜರೇಟರ್ ಅನ್ನುಕೇವಲ 5 ಸಾವಿರಕ್ಕೆ ಮಾರಾಟ ಮಾಡಿದೆ. ಯಾವುದೇ ದಾರಿ ಇಲ್ಲ. ನಾನು ಏನು ಮಾಡಬೇಕು? ನನ್ನ ಮಕ್ಕಳಿಗೆ ರಾತ್ರಿ ಆಹಾರ ಬೇಕು” ಎಂದು ಲಾಲ್ ಗುಲ್ ತಿಳಿಸಿದ್ದಾರೆ.
